-- ADVERTISEMENT --
DAVAO CITY – Wala kalusot sa otoridad ang usa ka drug pusher human kini nasikop atol sa buybust operation dungan sa gipatuman nga Enhanced Community Quarantine (ECQ).
Luyo sumala pa sa kanunay nga pahimangno sa otoridad, padayon pa gihapon sa ilang dautan nga binuhatan ang suspek nga nailang si alyas “Yam-Yam” residente sa Brgy.31-D, Blvd.ning siyudad nga nasikop sa otoridad pasado alas kuwatro kagahapon sa hapon.
Nakuha sa mga personahe sa Sta. Ana PNP sa posisyon sa dinakpan ang upat ka mga pakete sa ginadili nga druga.
Nasayran nga kanhi na nga nadakpan ang nahisgutan gumikan kay nalambigit pa gihapon sa illegal nga druga. Balhug karon sa presohan ang suspek ug gi-andam na ang kaso nga iduso batok kaniya.
