DAVAO CITY – Mihimo karon og lakang ang Davao City Covid-19 TF kini aron nga mapugngan pa ang pagsaka sa Covid-19 dinhi sa dakbayan.
Usa sa ilang inisyatibo mao ang pagpatuman og lockdown sa Purok 3, 4, ug 7 sa Brgy. 23-C ning siyudad nga gisugdan kagahapong adlawa.
Tumong sa maong lakang nga mapugngan ang posibleng pagkunayap sa virus sa lugar human nga adunay nakumpirma nga nagpositibo sa Covid-19.
Mikabat sa 56 ka mga indibidwal ang mihikling ug gidala sa PUI center alang sa quarantine. Tungod niini, gipahimangnoan ang publiko nga likayan ang pagsulod sa Barangay 23-C.
Kahinumduman nga una na sab nga gikumpirma ni Brgy. 23-C Chairman Wating Usman ang pagpatuman ug lockdown ang Isla Verde gumikan sa kaso sa Covid-19.
Kahinumduman nga daghanang mga barangay na sab sa dakbayan ang nakatala ug mga residente nga nagpositibo sa Covid hinungdan nga gipatuman na karon sa siyudad ang clustering.
