DAVAO CITY – Laoman sumala pa nga mosaka pa ang ihap sa mga nagpositibo sa Covid-19 sa dakbayan sa Davao sa mosunod nga mga adlaw kini human nga maayo na matud pa ang dagan sa gipahigayon nga covid-test sa mga doktor.
Kahinumduman nga una ng gibutyag ni Davao City Mayor Inday Sara Duterte-Carpio nga kini ang nag-una nga rason nga gipahigayon na karon ang clustering sa matag distrito aron nga malikayan ang pagdasok sa mga tawo sa mga public markets.
Gitataw sab sa Mayor nga usa ang Buhangin sa mga adunay pinakadaghan ug kaso sa mga nagpositibo sa Covid-19 human nga nagtakod-takod na ang virus hinungdan nga mas gipatuman karon ang hugtanon nga pagtutok sa lugar.
Kahinumduman nga sagad sa mga natakdan ang miadto sa sabongan ug adunay history nga mibiyahe sa Manila.
Ipatuman ang red alert sa usa ka lugar nga daghan ug kaso kini aron nga malikayan sa mga tawo ang pag-adto sa lugar.
