Ordinansa nga magpalig-on pa sa mga polisiya nga gipatuman sa Davao City COVID-19 ECQ, napalabang na sa 19th City Council

DAVAO CITY – Napalabang sa gipahigayon nga sesyon sa 19th City Council ang ordinansa nga magpalig-on pa sa mga polisiya nga gipatuman karong panahon sa Davao City COVID-19 Enhanced Community Quarantine.

Kalakip sa napalabang sa konseho ang ordinansa nga nagdili sa bisan unsa man nga klase sa pagpang-harass, diskriminasyon, o pakaulawan ang mga  frontline workers, confirmed infected patients, PUMs, o PUIs ug close contacts atol ning pagpatuman sa National Health Emergency.

Subay sa gipanday nga ordinansa, ang mga tawo nga makalapas sa nahisgutan nga probisyon sa ordinansa ang silotan pinaagi sa pagpahamtang ug multa nga P5,000 o pagkabilanggo nga dili mosobra sa usa ka tuig.