DAVAO CITY – Gipahimangnuan karon sa Regional anti cyber crime unit (RACU) Eleven ang publiko batok sa pagadala ug mga hubo nga hulagway o kaha pagkuha video samtang naa sa pakighilawas sa ilang mga partners.
Kini human makadawat ang nahisgutang ahensiya ug kinatibuk-ang 6 ka mga “sextortion” cases sa dakbayan sa Dabaw.
Gikanayon ni RACU Davao director Col. Noel Espinosa nga balhug na usab sa prisuhan ang nahisgutang mga suspect atol sa gilusad ngamga entrapment operations human nangayo ug pakitabang sa ilang buhatan ang mga biktima.
Kasagaran sumala sa mga reklamo mao ang pagpanghulga sa ilang mga partners nga ipa-gawas ang nahisgutang masilan nga mga hulagway ug mga videos ngadto sa publiko pinaagi sa social media.
Kasong kalapasan sa Republic Act 9995 o ang anti photo and video Voyeurism Act of 2009 ang gi-atubang sa mga dinakpan, diin kasagaran sa mga complainants mga kababayen-an.
Nanawagan usab si Espinoza niadtong mga tawo nga nakasinati ug pagpang-blackmailed sa ilang kanhi mga partners nga i-report gilayon sa ilang buhatan aron mahatagan ug hinanaling aksiyon.
Kahinumduman nga niadtong milabay nga adlaw, sikop usab ang uskaa 18 anyos nga lalaki s Digos City human nga sumala pa gi-blackmailed ang iyang partner nga usaka 40 anyos nga babaye ug gihulgan nga ipagawas sa publiko ang ilang mga law-ay nga hulagway kung dili siya hatagan niini ug kuwarta.
