DAVAO CITY – Susama na karon nga gipangpaslak sa presohan ang duruha ka mga indibidwal nga gikan sab nga nabilanggo human nga malampuson nga nasikop ang mga nahisgutan sa gilusad nga drug buy bust operation.
Una ng naila ang mga suspek nga sila si NAPOLEON ATIENZA CADAYONA JR., Alias “JONG-JONG”, 41 anyos, wala’y trabaho ug residente sa #50 Milkyway st., GSIS Subd., 74-A, Matina Crossing, ning dakbayan sa Davao ug ALAIN ROBINSON QUESADA, alyas “ALLEN QUESADA”, 41 anyos, minyo, Liason officer ug residente sa 161 Emerald Street, SM Village Bangkal, Talomo District ning siyudad. Una ng nasikop si Cadayona sa #50 Milkyway St., GSIS Subd., 74-A Matina Crossing, Davao City.
Narekober sa iyang posisyon ang 11 ka mga pakete sa ginadili nga druga, usa ka unit sa shotgun nga adunag 6 ka mga buhing bala, 12 gauge shotgun ammunitions, drug praphernalia, ug non-drug items.
Gikanayong ang nakumpiskang mga druga sa nahisgutan ang adunay street value nga kapin kun kulang P512,000 ug motimbang kini ug 32 grams.
Samtang dakpan usab si Quesada Milkyway Street, GSIS Subdivison, Matina Crossing, Davao City.
Nakuha sa iyang posisyon ang unom ka mga pakete sa ginadili nga druga nga motimbang ug 30grams ug mobalor sa P480,000.
Nasayran nga kanhi na nga nasikop ang duruha gumikan lamang gihapon sa pagkalambigit sa ginadili nga druga ug nakagawas tungod sa plea bargaining agreement sa milabay nga Nobyembre 2018.
Susama karon nga gibalhug ang mga dinakpan sa Talomo PNP ug subling mag-atubang ug kasong kalapasan sa Republic Act 9165 (Comprehensive Dangerous Drug Act of 2002) ug RA 10591 (Comprehensive Firearms and Ammunition Regulation Act).
