DAVAO CITY – Gumikan pa gihapon sa bahad sa sakit nga polio ang hinungdan nganong gilugwayan sa Department of Health (DOH) ug City Health Office (CHO) ang pagpahigayon og Sabayang patak kontra Polio.
Kahinumduman nga hangtud Marso 1 lamang unta ang ipa-upat nga gipahigayon nga bakuna apan tungod sa padayon nga pagsaka sa kaso sa polio sa nasod, gilugwayan hangtud Marso 6 ning kasamtangan nga tuig ang ika-upat nga hugna sa immunization.
Sagad sa gihatag sa mga bata mao ang type 1 ug type 3 OPV.
Sumala pa kang Dr. Josephine Villafuerte, head sa CHO, kinahanglan adunay lugway nga himuon sa pagbakuna gumikan kay padayon sumala pa ang pagsaka sa kaso niini nga anaa na karon sa halos 30.
Sukad sumala pa nga gisugdan ang ika-upat nga round kaniadtong Pebrero 17 hangtud Marso 1, nakatala na ang ahensiya ug 101.42 percent sa immunization coverage sa mga bata nga edad 4 anyos paubos samtang 101.56 percent usab sa mga bata nga edad 5 anyos paubos.
