DAVAO CITY – Gi-andam na ang kaso batok sa usa ka drug pusher nga nasikop sa buy bust operation ug nakuhaan ug armas.
Kahinumduman nga malampuson nga nasikop sa Sto Tomas, Davao del Norte-Station Drug Enforcement Unit (SDEU) sa Sto. Tomas MPS office ang suspek nga si Mar Torejos Pamaong, 23 anyos, ulitawo, walay trabaho ug residente sa Purok 1A, Barangay Tibal-og, Sto. Tomas Davao Del Norte atol sa gilusad nga operasyon sa otoridad sa Purok 5, Sagrada Area, Feeder Road 2, Barangay, Tibal-og sa nahisgutan nga lalawigan.
Narekober sa iyang posisyon ang usa ka pakete sa ginadili nga druga, buy bust money nga P500.00 ug usa ka .22 revolver nga adunay 5 ka mga buhing bala.
Gikanayong ang suspetsado giilang bag-o nga drug personality sa maong estasyon.
Mag-atubang ang nahisgutan ug kasong kalapasan RA 9165 ug RA 10591.
Gipasalig ni PMAJ FREDERICK E DELES, Officer In-charge sa Sto. Tomas Municipal Police Station, nga pahugtan pa nila ang ilang kampanya batok illegal nga druga sulod sa ilang area of responsibility.
