DAVAO CITY – Mikabat sa 3,000 ka mga security forces ang ipakatag aron nga magpatuman ug seguridad sa mga aktibidad atol sa kasaulogan sa 83rd Araw ng Dabaw.
Gikatakda kini nga ablihan karong adlaw nga domingo pinaagi sa usa ka misa sa San Pedro Cathedral.
Una ng gibutyag ni Angel Sumagaysay, hepe sa Public Safety and Security Command Center (PSSCC), adunay upat lamang ka mga nag-unang events ang ipahigayon sa Marso nga gilangkuban sa Misa Pasasalamat, Araw ng Dabaw Light Show, Dabawenyo Ako, ug Lantaw Dabawenyo samtang una ng gikansela ang uban pang mga dagkong aktibidad tungod sa bahad sa Covid-19.
Gikanayon sab ni PSSC chief Sumagaysay nga nangandam sab sila sa usa ka security plan alang sa nahisgutan nga events pinaagi sa pag-deploy sa integrated security personnel sugod Marso 1 hangtud 16.
