DAVAO CITY – Gi-andam na sa Sto Tomas Municipal Police station ang kaso batok sa usa ka 23 anyos nga lalaki nga ilang nasikop sa gilusad nga drug buy bust operation.
Suspek naila nga si Eduardo De Leon Martisano Jr., ulitawo, walay trabaho ug residente sa Purok 1A, Barangay Balagunan, Sto. Tomas Davao Del Norte.
Narekober gikan sa posisyon sa dinakpan ang usa ka pakete sa ginadili nga druga nga gipalit sa usa ka sakop sa otoridad nga nagpaka-aron ingnon nga poseur buyer bugti sa P500 nga buy bust money.
Dihang gihiling sa kapulisan, narekober sab sa posisyon niini ang laing pakete sa illegal nga druga ingon man improvised tooter nga gisulod sa usa ka eye glass pouch nga kolor itom.
Kasamtangan karon nga gikustodiya ang dinakpan sa Sto. Tomas Municipal Police station alang sa tukma nga disposisyon ingon man ang mga narekober nga illegal drugs ug drug paraphernalia nga gamiton isip ebidensiya sa iduso nga kaso.
