DAVAO CITY – Gi-awhag sa usa ka local environmental group ang publiko nga protektahan ang Panigan-Tamugan watershed aron nga mapabiling limpyo ang tinubdan sa tubig ma-inom sa mga Dabawenyos.
Sumala pa kang Interface Development Interventions (IDIS) executive director Chinkie Golle kinahanglan nga pabilin nga limpiyo ang usa sa mga tinubdan sa limpiyo nga tubig sa dakbayan.
Gani, subay sa ilang monitoring gikan sumala pa sa “Class AA” o pinakataas nga quality sa tubig, nahimo na lamang kini nga “Class A” ang status sa Tamugan tungod sa pipila ka mga nagpabilot sa watershed.
Gitumbok ni Golle ang water pollution nga maoy usa sa mga nag-unang rason nganong kinahanglan nga proteksiyon ang kasapaan sa siyudad.
Gani nakaapekto sumala pa karon sa mga kasapaan sa siyudad ang mga hugaw nga gikan sa mga residential areas nga magpataka na lamang ug labay sa basura ngadto sa mga kasapaan.
Gikanayong ang pagsaka sa basura sa mga watershed mamahimo sumala pa nga makaapekto sa kasamtangan nga status niini.
