DAVAO CITY – Gumikan kay taas ang risgo sa mga kapulisan nga nadestino sa mga hilit nga Barangay sa siyudad nga kabahin sa bag-ohay pa lamang gilusad nga “Revitalized Pulis sa Barangay”, gipasalig ni Police Brig. Gen. Felmore Escobal, director sa PRO-11 nga ila sab nga gipasalig ang kaluwasan sa mga nahisgutan.
Sa kasamtangan, nakiglambigit sumala pa ang kapulisan ngadto sa mga sakop sa kasundalohan aron nga magsilbi nilang kaabag sa pagpatuman sa kahusay ug kalinaw sa usa ka barangay ilabi na kadtong adunay presensiya sa mga law less armed group.
Una ng nasayran nga anaa sa 189 ka mga personahe sa kapulisan gikan sa nagkadaiyang Provincial ug City Police Office ang gipakatag sa mga nagkadaiyang Barangay sa Davao region aron masiguro ang kalinaw sa matag dapit.
Ang nahisgutan nga ihap maoy unang batch nga nagpatuman sa ilang bag-ong tahas.
