DAVAO CITY- Dakpan sa gipahigayon nga drug buy bust operation sa mga sakop sa Talomo PNP pasado ala una kagahapon sa hapon ang usa ka 27 anyos nga lalaki nga nalambigit sa pagpamaligya ug ginadili nga druga.
Una ng gilusad ang operasyon sa kapulisan sa Room # 205, Double RR Pension House, Purok P5, Artiaga St., ning dakbayan hinungdan nga malampuson nga nasikop ang suspek nga nailang si ALADIN LAGUIAB SALEGAN “TOL” (DI WATCHLIST), residente sa Brgy Tumbras, Purok 1, Midsayap, Cotabato City.
Nakumpiska gikan sa nahisgutan ang lima ka mga pakete sa ginadili nga druga, buy bust money ug uban pang non-drug items.
Mitimbang sumala pa ang nakumpiskang shabu gikan sa nahisgutan ug 19 gramos o adunay kantidad nga kapin kun kulang P304,000 pesos.
Sa kasamtangan, gipaslak ang suspek sa Talomo PNP ug gi-andam na ang kasong kalapasan sa Republic Act 9165 o Dangerous Drugs Act batok kaniya.
Samtang gipasalig sab sa Talomo PNP nga magpadayon ang ilang hugtanon nga kampanya batok illegal nga druga pinasikad na sab sa kamandoan ni Pangulong Rodrigo Duterte.
