DAVAO CITY- Doble amping karon ang lalawigan sa Davao del Norte hinungdan nga wala pa silay natala nga nakasulod na sa lugar ang African Swine Fever (ASF).
Doble na sab sumala pa ilang surveillance ug monitoring. Sumala pa kang Provincial Veterinarian, Dr. Renato Embate nga nag-negatibo sa ASF ang blood samples nga gikuha sa mga baboy sa munisipalidad sa Braulio E. Dujali kini base sa gipagula nga resulta sa Regional Animal Disease Diagnostic Laboratory sa Department of Agriculture (DA) XI.
Tubag sab kini sa DA XI aron nga mawagtang ang kabalaka sa mga residente sa lugar nga posibleng nakasulod na sa ilang lalawigan ang ASF.
Samtang gibutyag sab ni staff veterinarian, Dr. Shirley Sanico nga wala nay laing kaso sa namatay nga baboy nga natala Dujali nga una ng nag-negatibo sa virus.
Una na sab nga gipanghimakak sa nahisgutan ang mikatag sa text messages nga adunay natalang kaso sa ASF sa munisipalidad sa Sto. Tomas.
Wala sumala pa silay nadawat nga report kalabot sa maong insidente.
