DAVAO CITY- Gipasalig sa Department of Interior and Local Government (DILG) provincial offices sa Davao Oriental ug Davao del Norte nga motamud sila sa kamandoan sa kagamhanan kalabot sa paglikay ug pagkontrola sa Corona Virus Disease (COVID)-19 sa higayon nga makasulod na kini sa local government levels.
Sumala pa kang DILG Davao del Norte Provincial Abito Bernasor ug DILG Davao Oriental Provincial Director Orle Cabaobao nga ilang gipabot ang nahimong direktiba ni DILG Secretary Eduardo Ano ngadto sa mga LGUs aron nga ilang ma-activate ang provincial/city/municipal health responders ingon man ang ilang barangay health emergency response teams.
Gikanayong ang DILG action ang kabahin sa DILG Memorandum Circular No. 2020-023 o ang gi-amyendahan nga Guide to Action Against Coronavirus Acute Respiratory Disease nga gilagdaan ni Secretary Eduardo Ano kaniadtong Pebrero 06, 2020.
Samtang gibutyag sab ni Director Cabaobao nga ang mga local chief executives (LCEs) gikan sa provincial ug municipal levels ang nagkahiusa aron nga masiguro nga matuman ang DILG directive ug guidelines kalabot sa Corona Virus Disease.
Gideploy na sab sumala pa nila ang ilang mga DILG field officers aron masiguro nga mapatuman ang mga sumbanan ngadto sa mga barangay ug inter-agency task forces.
