DAVAO CITY – Gipahugtan pa karon sa Coast Guard Station Davao ang ilang monitoring sa mga coastal areas sa siyudad ingon man anchorage area aron nga masiguro nga ang mga pasahero ug crew niini dili makasulod sa siyudad hangtud nga gipatuman ang quarantine period.
Sumala pa kang Commander Gary Laynesa, commander sa Sta. Ana Coast Guard Station-Davao, nakiglambigit sila karon sa Bureau of Quarantine and Philippine Port Authority alang sa precautionary measure.
Gitataw ni Laynesa nga mosaka sila sa boarding domestic vessels ug foreign vessels, kauban ang Bureau of Quarantine isip lead agency ilabi na kadtong naggikan sa mga nasud nga taas ang kaso sa COVID-19.
Nasayran sa nahisgutan nga anaa sa 40 ngadto na 50 foreign vessels ang ilang ginapahigayon sa inspeksiyon matag bulan nga gikan sa pribado ug government ports sa siyudad.
Kabahin sa kamandoan sa Bureau of quarantine mao ang pag-hold sa vessel sa anchorage alang sa inspeksiyon.
Sa higayon nga mapahigayon na ang clearing sa barko, mamahimo na nga makapahigayon ang Bureau of Customs, Bureau of Immigration ug coast guard og inspeksiyon.
Gikanayong ang Bureau of Quarantine mihangyo sa coast guard nga imonitor ang anchorage area aron nga dili makalakaw-lakaw ang mga crew ug pasahero niini sa siyudad samtang gipailalom kini sa monitoring.
Gawas sa pagtutok sa COVID-2019, nakig-alayon sab karon ang coast guard sa Department of Agriculture aron nga mapugngan ang pagsulod sa African Swine Fever (ASF) virus.
