DAVAO CITY – Nagpadayon karon ang pahimangno sa Department of Health (DOH)-11 ngadto sa publiko nga kanunay nga makiglambigit sa ilang buhatan aron nga mapugngan ang pagkatag sa 2019 Novel-Corona virus ug dili kini makasulod dinhi sa dakbayan.
Sumala pa kang Anabelle Yumang, regional director sa DOH-11, angayan nga makiglambigit kanunay ang mga pasahero ilabi na sa gipatuman nga mga lakang sa airport gumikan kay alang lamang kini sa kaluwasan sa tanan.
Gitataw sa opisyal nga aduna sumala pay pipila ka mga indibidwal ang mubalibad sumala pa nga magpakonsulta ilabi na nga kung tambagan ang mga nahisgutan.
Samtang mihatag og katin-awan si Yumang nga dili sumala pa kinahanglan nga mosuot og facemask ilabi na kung walay nasinatian nga ubo ug kalintura nga kabahin sa mga sintomas sa 2019-nCoV.
Mas maayo sumala pa nga ihatag nalang kini sa mga tawo nga adunay ubo ug sip-on, mga indibidwal nga nagbantay ug pasyente sa hospital ingon man sa mga doktor ug mga empleyado sa balay tambalanan.
Pahayag ni Anabelle Yumang, regional director sa DOH-11.
