DAVAO CITY – Gipasalig sa mga nagkadaiyang opisyal sa ahensiya ning siyudad nga gitunolan og mga sakyanan nga ilang magamit sa ilang operasyon nga ampingan kini aron nga molungtad pa sa taas-taas nga panahon.
Kahinumduman nga gipangunahan mismo ni Davao City Mayor Inday Sara Duterte-Carpio ang pagbendisyon sa 2 ka bus nga gidonar sa sister City sa siyudad nga Nanning China; 4 ka mga L 300 Vans; 5 ka mobile cars; 2 ka mga aerial fire and rescue ladder truck; 1 ka dental bus ug 4 ka mga pick up vehicles.
Sumala pa ni Mayor Inday, dakong tabang sa mga ahensiya sa Bureau of Fire Protection (BFP), City Transport and Traffic Management Office (CTTMO), City Health Office (CHO) ug daghanan pa ang nahisgutan nga mga sakyanan aron nga mapaayo pa nila ang pagpanerbisyo sa katilingban.
Pahayag ni Davao City Mayor Inday Sara Duterte-Carpio.
