DAVAO CITY – Pasahero nga gikan sa Hongkong ang nadugang karon sa ihap sa mga indibidwal nga nakitaan og sintomas sa 2019 Novel Corona Virus dinhi sa Davao Region hinungdan nga misaka na karon sa siyam ang ihap sa mga Patients Under Investigation (PUI).
Sumala pa kang Dr. Wilson Lim, sa Bureau of Quarantine (BoQ), gikan sa Hongkong ang bag-ong pasyente ug dihang miabot kini sa dakbayan, nakasinati sumala pa kini og kalintura ingon man ubo nga kalakip sa sintomas sa nCoV.
Hinuon gilayon sumala pa nila kini nga gidala sa balay tambalan ug gidiretso sa isolation room aron nga mamonitor ang iyang sitwasyon.
Pahayag ni Dr. Wilson Lim sa Bureau of Quarantine (BoQ).
Samtang gikanayon sab sa Department of Health (DOH) 11 nga aduna silay himuon nga pagbansay ngadto sa mga nagkadaiyang hospital ning dakbayan sa Davao.
Sumala pa kang Dra. Cleo Fe Tabada sa RESU, ipailalom sa pagbansay ang pipila ka mga medical practitioners kini human nga gibutyag sa mga pribadong hospital nga magpahimutang sila og dugang nga isolation facility alang sa mga pasyente nga natakbuyan sa nCoV.
Pahayag ni Dra. Cleo Fe Tabada sa RESU.
