DAVAO CITY – Gideklara na ang state of calamity ngadto sa Don Marcelino, Davao Occidental human nga naigo ang mga binuhing baboy sa nahisgutang dapit og African swine fever (ASF).
Kahinumduman nga mukabat na ngadto sa 2,800 ka mga binuhing baboy ang natalang namatay gumikan sa maong sakit.
Subay niini, gidili na sab ang pagpamaligya og karneng baboy ngadto sa palengke sa Don Marcelino nga karon hilabihan na nga kamingaw ug wala nay nakadisplay partikular menti ang mga karneng baboy human nga gibawal na sa Department of Agriculture (DA) sa municipal office ang pagpamaligya og karne sa baboy sa ilang palengke.
Nasayran sab nga anaa sa kapin 4 mil ka mga baboy ang gikatakdang dungan nga pamatyon aron nga mapugngan ang pagkatag sa maong balatian sa hayop.
Hinoon, gipasalig ni Department of Agriculture (DA) Secretary William Dar nga andam kanunay ang ahensiya nga tabangan kadtong mga hog raisers sa lalawigan sa Davao Occidental nga apektado sa African Swine Fever.
Gipasalig sab niini nga lauman sumala pa nga mapugngan na ang pagkatag sa ASF gumikan sa gipatuman nga lockdown sa lalawigan aron nga dili na makatabok ang maong balatian sa ubang lugar sa rehiyon sa Davao.
