DAVAO CITY – Gipasalig karon sa State-run Southern Philippines Medical Center sa dakbayan sa Davao ug Davao Regional Medical Center (DRMC) sa Tagum City ngadto sa publiko nga aduna silay igong kapasidad ug kaalam kung paunsa tutokan ang mga pasyente nga matakbuyan ug novel coronavirus (2019-nCoV).
Sumala pa kang SPMC chief of hospital Dr. Leopoldo Vega, ang duruha ka mga pampublikong hospital sa Davao region ang una na matud pa nga nangandam dihang nasinatian sab kaniadto ang A(H1N1), Middle East Respiratory Syndrome-Coronavirus, Severe Acute Respiratory Syndrome ug Ebola Virus.
Gikanayong ang nahisgutan nga mga disease ang hinungdan nga mas gipalambo pa sa Department of Health ug Research Institute for Tropical Medicine (RITM) ang pag-upgrade sa ilang pasilidad ug laboratoryo.
Nasayran nga ang SPMC adunay 15 ka mga isolation rooms samtang ang DRMC adunay 10 ka mga lawak alang sa mga pasyente nga maapektohan sa highly contagious diseases.
Naka-standby sab sumala pa ang mga Medical experts sa higayon nga adunay ma-confine nga 2019-nCoV patients sa hospital.
