DAVAO CITY – Nasikop sa mga sakop sa kapulisan atol sa ilang gilusad nga follow up operation ang tulo ka mga batan-on kansa nakuhaan og Samurai ug 3 ka .38 nga revolver.
Gikanayong responsable ang mga nahisgutan sa pagpanulis diin usa sa mga nahisgutan ang menor de edad.
Duruha sa mga nasikop giila nga sila si PJ Muñez, 18 anyos, usa ka construction worker ug Jeny Tero, 26 anyos, usa ka panday, susama nga residente sa nahisgutan nga dapit.
Una ng nangayo og pakitabang sa kapulisan ang usa ka 26 anyos nga si alyas Arman gumikan kay nabiktima kini sa pagpanulis hinungdan nga nagpahigayon gilayon og follow operation ang kapulisan.
Nasayran nga nagpakaaron-ingnon matud pa ang mga suspek nga customer sa bakery og dayon ti-onan sa ilang dalang armas ug modeklara og hold- up ngadto sa ilang biktima.
Giilugan sab og armas ang guwardiya sa maong tindahan, human dayon dali kining misibat sakay sa motorsiklo nga kolor itom.
Narekober sa mga suspek ang tulo ka .38 revolver nga dunay mga bala ug samurai, lakip sab ang motor nga gisakyan sa mga suspek.
Samtang ang nasikop nga menor de edad ang gikustodiya karon sa Women and Children’s Protection Desk (WCPD).
