DAVAO CITY – Miadto gilayon si Davao City Vice Mayor Sebastian Duterte sa UCCP – Haran aron nga hisgutan ang mga lakang human ang nahitabong tensiyon kagahapong adlawa diin gi-atake sumala pa kini sa paramilitary nga Alamara.
Kauban ni Baste si konsehal Pamela Librado-Morato aron nga magpahigayon og dayalogo tali sa duruha ka kampo.
Sumala pa sa Bise Mayor, angayan lamang nga adunay panaghisgot nga himuon aron nga dili na mograbe ang tensiyon.
Dili pa sab mabutyag karon kung mamahimo na nga papauli-on ang mga lumad sa ilang lugar.
Una ng gibutyag ni UCCP Southeast Mindanao Jurisdiction Area Bishop Hamuel Tequis nga ang mga datus sa duruha ka kampo ang nagkasabot sumala pa sa negosasyon.
Gitataw sab ni Taquis nga makigkita sila tali kang Davao del Norte Gov. Edwin Jubahib ug Davao City Mayor Sara Duterte-Carpio aron nga hisgutan ang nahimong resolusyon sa RPOC ang ipa-undang ang operasyon sa Haran.
Una ng nagkagubot sa lugar human nga adunay pipila ka mga grupo nga misulay pagluwas sa mga Lumad nga nagpabilin sa maong center.
Miulbo ang kagubot pipila ka adlaw human nga gi-aprubahan sa Regional Peace and Order Council-Davao Region (RPOC-Davao) ang resolusyon nga laraw ang hinanali nga pagsara sa center nga nagsilbing temporary shelter alang sa Indigenous Peoples (IPs) gikan sa nagkadaiyang lalawigan sayo sa 2015.
Unod sa resolusyon nga nakalapas sumala pa ang Haran sa katungod sa mga Indigenous People’s (IPs), pag-abuso sa mga bata, child trafficking, exploitation sa IP pinaagi sa usa ka terroristic activities.
