DAVAO CITY – Nagpadayon karon ang paghatag og hinabang sa ahensiya sa Department of Social Welfare and Development (DSWD) 11 ngadto sa mga nabiktima sa linog sa lalawigan sa Davao del Sur.
Nasayran sa ahensiya nga hangtud karon, daghanan pa gihapon sa mga residente ang nagpabilin sa mga evacuation centers ug wala na nibalik sa ilang tagsa-tagsa ka mga panimalay.
Sumala pa kang Erna Sampiano, Disaster Division head sa DSWD-11, mikabat na sa P109,718,358 ang ilang nahatag nga assistance ngadto sa mga bakwit samtang anaa pa gihapon sa 86,728 ka mga pamilya ang nagpabilin sa mga evacuation centers.
Sa kasamtangan, anaa na matud pa ang ahensiya sa final listing aron nga masubay kinsa kadtong mga residente nga nakasinate og partial ug total damage sa ilang mga propedad dungan sa sagunson nga linog sa milabay nga tuig.
