DAVAO CITY – Mohatag sumala pa ang lokal nga panggamhanan ug 5,000 food packs ngadto sa mga pamilya nga apektado sa pagbusikad sa bulkang taal.
Samtang modawat sab sumala pa ang siyudad pinaagi sa Task Force Davao ug donasyon gikan sa Dabawenyos, nga buot motabang sa mga mibakwit nga pamilya.
Sumala pa kang Task Force Davao Commander Colonel Consolito Yecla, nga maoy gitahasan nga motunol ug relief goods, nangandam na matud pa karon ang iyang tropa ug food packs alang sa mga pamilya nga temporaryong nagpabilin sa shelters sukad niining milabay nga adlaw.
Sa mga buot sumala pa mga modonar, mamahimong moadto lamang sa headquarters sa Task Force Davao sa Sta Ana Wharf Compound.
Target sumala pa sa tropa nga masulod ang evacuation centers bisan nga posibleng malisdan sila pagdala niini ug hinabang padulong sa Batangas.
Plano nilang sudlon nga area sa Batangas mao ang Sto. Tomas, Tanauan, ug Calaca. Sayod sab si Yecla nga lisud ang kahimtang sa mga apektadong pamilya sanglit susama sab ang nasinatian sa Davao region tungod sa nasinatian nga linog.
