Ihap sa mga pay parking enforcers sa Davao laraw nga dungagan

DAVAO CITY -Aron nga mapalapdan pa ang pagpatuman sa mga pay parking zones sa dakbayan, laraw karon sa usa ka konsehal ning dakbayan sa Davao nga dungagan ang ihap sa mga pay parking enforcers nga maoy nagakolekta og bayad sa mga moparada sa ilang mga sakyanan sa pito ka mga kadalanan sa siyudad nga sakop sa pay parking zones.

Sumala pa kang Konsehal Conrado Baluran nga gawas sa 80 ka mga kasamtangan nga pay parking enforcers sa siyudad, plano pa nila kini nga dungagan og 250 ka mga personahe.

Kahinumduman nga ang pay parking scheme sa dakbayan ginapatuman matag adlaw nga lunes hangtud Sabado.