DAVAO CITY – Hinay-hinay na nga midagsa sa Business Bureau ang mga buot magpa-renew sa ilang permit karong tuiga.
Una niini, naglaom si Atty. Marissa Torentera, head sa Business Bureau nga mas daghanan pa ang magpa-renew karong tuiga ug malabwan ang ilang record sa milabay nga tuig 2019 diin anaa sa 41,294 ka mga business permit ang ilang na-release.
Nasayran sab sa opisyal nga sukad kaniadtong Disyembre 16, 2019 aduna na silay 3,600 early printing alang sa application form sa mga buot magpa-renew.
Naglaum si Atty. Torentera nga madungagan pa ang ihap sa ilang ma-isyuhan og business permit ilabi na nga ubay-ubay sab ang mga bag-ong nagkuha niini.
Gitino sab niini nga dili lamang mga magpa-renew ang ilang i-cater kung dili lakip na sab kadtong buot nga magkuha og bag-ong business permit.
