DAVAO CITY – Laoman sumala pa nga maghuot na sab karong adlawa ang mga entry points sa dakbayan gumikan kay hinay-hinay na sab nga mobalik ang mga pasahero dinhi sa siyudad human ang pipila ka adlaw nga bakasyon sa ilang mga lalawigan karong holiday season.
Sa kasamtangan, balik na sab sa normal ang biyahe sa Davao City Overland Transport Terminal (DCOTT) ug dagsa na sab ang mga pasahero.
Hinuon gipasalig sa pamunoan nga ipatuman pa gihapon nila ang mga istrikto nga sumbanan ug palisiya aron nga masiguro ang kaluwasan sa mga pasahero.
Hugtanon sab karon nga gihiling sa mga sakop sa Task Force Davao (TFD) ang mga dalang bagahe sa mga biyahero aron nga dili makasulod ang mga kontrabando sama na lamang sa paboto ilabi na nga nagsingabot na sab ang pagtagbo sa bag-ong tuig.
