DAVAO CITY – Gipalawman pa karon sa mga sakop sa kapulisan ang ilang imbestigasyon aron nga masayran kung si kinsa ang mipaluyo sa pagpusil sa usa ka kagawad kagahapong adlawa sa Purok Orange, Valley, Barangay Magugpo South, Tagum City.
Kahinumduman nga padayon nga gi-obserbahan ang kritikal nga kahimtang sa biktima nga si Ananias Antipas Brobo, 53 anyos, minyo, Brgy. Kagawad sa nahisgutan nga dapit.
Sa inisyal nga imbestigasyon sa otoridad, sakay lamang sa iyang motorsiklo ang biktima ug paingon unta kini sa Barangay Magugpo South dihang mibutho ang wala mailhing lalaki o dayon gipusil ang biktima sa makadaghan nga higayon.
Sa kasamtangan anaa sa Davao Regional Medical Center ang biktima alang sa pagmonitor sa kahimtang niini.
Gisubay na sab karon ang posibleng motibo sa krimen. Una ng narekober sa otoridad sa crime scene ang upat ka basiyo sa bala nga gikatuohang iya sa .45 kalibre nga pistola.
