DAVAO CITY – Dako ang pagpasalamat sa mga ginikanan gumikan kay nahatagan og mga dulaan ang ilang mga anak dungan sa gipahigayon nga “Pamaskong handog para sa mga kabataan” kagahapong adlawa nga gipangunahan sa mga personahe sa Davao City Police Office (DCPO).
Walay kabutngan ang kalipay sa mga bata nga labihang lingawa sa programa nga gi-andam sa kapulisan ilabi na nga adunay naka-costume og santa claus ingon man spiderman.
Matag bata gihatagan og pahalipay ug regalo ug adunay gipahigayon usab nga mga parlor games alang sa mga nahisgutan.
Sumala pa kang Pol. Col Kirby Kraft, director sa DCPO gihimo nila ang nahisgutan nga lakang aron nga bag-ohon ang pagtuo sa mga bata nga dili angayan nga kahadlokan ang mga pulis.
Gitambagan sab niini ang mga ginikanan nga dili angayan nga himuong panghadlok sa mga bata ang pulis ilabi na kung makahimo kini og salaod.
