DAVAO CITY – Gikalipay sa kapulisan ning dakbayan sa Davao ang pagtamud sa naunang kamandoan ni Pangulong Rodrigo Duterte nga sikopon na sab ang mga mogamit og e-cigarette o Vape sa mga pampublikong lugar.
Kahinumduman nga bisan taas ang mga nadakpan tungod sa paglapas sa anti-smoking ordinance sa siyudad, usa lamang sumala pa ang nadakpan karon sa otoridad nga migamit og vape.
Sumala pa kang Police Brig. Gen. Filmore Escobal, regional director sa PRO-11, nga dali sumala pa nga motamud ang mga dabawenyo sa kamandoan hinungdan nga ubos lamang ang ilang nadakpan sa kasamtangan nga migamit og e-cigarette.
Samtang gibutyag sab ni Alex Roldan, regional director sa Department of Interior and Local Government (DILG) 11 nga mas maayo sumala pa nga momugna ang mga Local Government Units (LGUs) og kaugalingon nga ordinansa nga magdili o i-ban ang pagpamaligya sa mga e-cigarette o Vape.
Gani mas maayo sumala pa nga gamiton nga sumbanan sa mga nahisgutan ang ulahing natala sa Department of Health (DOH) nga adunay 16 anyos nga dalagita nga namatay tungod sa Vape.
Nagpasabot sumala pa kini nga dili sab luwas sa panglawas ang paggamit sa nahisgutan nga produkto.
