DAVAO CITY – Gipakatag na sa dakbayan sa Dabaw ang gatusan ka mga kapulisan aron aron maoy magpatuman ug hugtanon nga seguridad sa dakbayan dungan sa pag-abli sa Pasko Fiesta karong adlawa sa City Hall ning siyudad.
Pangunahan sa mga personahe sa San Pedro PNP ug Sta. Ana PNP ang pagpatuman ug seguridad sa aktibidad aron masiguro nga hapsay ug malinawon kini nga mapahigayon ilabi na nga laoman sumala pa ang daghanang mga bisita nga modagsa karong adlawa aron makighiusa sa opening.
Sama sa naunang pahimangno sa otoridad, gidili pa gihapon ang pagdala ug mga backpack, pagsuot ug jacket ingon man pagdala-dala ug mga canister o sudlanan sa tubig nga dili transparent.
Nanawagan sab ang kapulisan nga ipabilin ang kooperasyon sa security forces ug motamud kung magpatuman ma ug hugtanon nga inspeksiyon gumikan kay alang lamang kini sa kaayohan sa tanan.
