DAVAO CITY – Dakpan ang usaka mangingilad nga nagpa-ilang CPA-Lawyer atol sa gilusad nga entrapment operation sa mga ginsakpan sa Criminal Investigation and Detection Group-Davao City sa Kunisawa Apartment, Durian St., Sr. San Roque, Daliao Davao City.
Gibutyag ni Police Major Milgace Cajes Driz, team leader sa Criminal Investigation and Detection Group-Davao City, alas 8:45 kaganinang buntag sa dihanbg gilusad nila ang maong operasyon diin malampuson nga nadakpan ang nagpa-ilang usaka certified Public Account (CPA) ug abogado nga si Juvern Reyes Garcia, 40 anyos residente sa Toril, ning dakbayan sa Davao.
Aktong nasakpan si Garcia nga midawat sa kuwarta gikan sa complainant nga si Juvy Dela Pena Furui isip bayad sumala pa alang sa pag-proseso sa petition for the recognition of a foreign judgment of doivorce nga nagkantidad ug P42,000.00.
Gawas niini, nakita usab sa mga mga ginsakpan sa CIDG-Davao City ang nagkalain-laing mga drug paraphernalia sa posisyon sa suspect, ug usaka fake ID sa PRC.
Sa gihimong imbestigasyon sa CIDG-Davao City nasayran nga dili tinunod nga sakop sa Integrated Bar of the Philippines ang suspect ug katahapan usab ang dala niining ID isip certified public accountant.
Nasayran usab nga na-una nang nakahatag ang complainant ug 12,000 ngadto sa suspect hinungdan nga desidido gayud kining mopasaka ug kaso.
