DAVAO CITY – Adunay pagsaka sa presyo sa mga nag-unang palaliton partikular na sa mga produkto nga panghanda sa Noche Buena.
Gani nagpatuman sab sumala pa ug pagsaka sa presyo ang pipila ka mga ham gumikan sa epekto sa African Swine Fever (ASF).
Pipila sa mga produkto nga nagpatuman ug pagsaka sa presyo ang gilangkuban sa Fruit cocktail, cheese, sandwich spread, spaghetti sauce, keso de bola, mayonnaise ug elbow macaroni.
Sumala pa kang Christopher Dalhog, Information officer for consumer protection, DTI-DCFO, nga padayon nila karon nga gimonitor ang mga tindahan aron masubay kung wala misobra sa gitakda nga presyo ang mga noche Buena items.
Gipasabot sa nahisgutan nga misaka ang presyo sa mga Ham gumikan kay adunay mga kompanya nga nangita og mga raw materials sa mga nasud nga dili apektado sa African swine fever (ASF).
