DAVAO CITY – Padayon ang panawagan karon sa ahensiya sa Land Transportation office (LTO) 11 ngadto sa mga motorista nga kanunay magbinantayon sa pagmaneho aron nga makalikay sa disgrasya o aksidente.
Tipik lamang gihapon kini sa kasaulogan sa Road Safety and Road Crash Prevention month diin nagpahigayon ug misa sa LTO office ingon man adunay gihimong aktibidad sa People’s Park aron nga hinumdumon kadtong mga mipanaw tungod sa aksidente sa kadalanan ingon man kadtong mga survivor.
Sumala pa kang Atty. Armand Dioso, Regional director sa LTO 11 nga ang gipahigayon nga mga programa nga adunay kalabotan sa mga disgrasya sa kadalanan usa ka pahinumdom sa publiko nga kinahanglan magbinantayon aron nga malikayan ang disgrasya sa kadalanan.
Samtang gikanayon ni Atty. Neil Canedo, Assistant Regional Director sa LTO-11 nga makiglambigit na sila sa mga nagkadaiyang Local Government Unit (LGUs) sa Davao region aron nga dungan nga himuon ang susama nga aktibidad matag tuig.
