DAVAO CITY – Target karon sa ahensiya sa Department of Health (DOH) ang tres milyones ka mga bata alang sa ikaduhang hugna sa Mindanao-wide massive synchronized polio vaccination nga sugdan na sa Nobyembre 25 hangtud Disyembre 7.
Sumala pa kang Health Secretary Francisco Duque III nga sakop sa ikaduhang hugna sa Sabayang Patak Kontra Polio ang mga bata nga nag-edad singko anyos paubos diin hatagan ang mga nahisgutan ug tulo ka doses sa OPV ug usa ka dose sa Inactivated Polio Vaccine (IPV) aron nga maprotektahan ang mga nahisgutan batok sa poliovirus.
Una ng gibutyag sa DOH nga natala nila ang ika-upat nga kaso sa polio sukad nga gideklara ang outbreak niini kaniadtong bulan sa Setyembre diin ang biktima nanimuyo sa Mindanao.
Nasayran kang Dumama nga adunay P383-million ang pondo nga gigahin alang sa massive campaign diin P13 million ang alang sa dakbayan sa Davao ug Davao del Sur.
