Gisubay na karon sa kapulisan sa Digos ang motibo sa pagpatay sa usa ka 37 anyos nga lalaki, kinsa gisulod sa ilang panimalay pasado alas sais kagabii ug gipusil sulod sa pipila ka higayon.
Sa gipahigayon nga imbestigasyon sa kapulisan, samtang anaa sa ilang panimalay ang biktima nga nailang si Julius Jacosalem, minyo, messenger ug residente sa Purok 5 Barangay Aplaya Digos City, kalit kini nga gisulod sa wala mailhing lalaki ug gipusil tumong sa iyang ulo ug lawas nga bahin nga maoy hinungdan sa iyang hinanaling kamatayon.
Human ang insidente, paspas nga misibat ang suspek sakay sa naghulat usab nga motorsiklo. Gikanayong ayha nahitabo ang pagpamusil, nagpatad pa sa STL duol sa pinuy-anan sa biktima ang suspek dayon gihimo ang krimen.
Narekober sa crime scene ang mga basiyo nga iya sa .45 caliber pistol.
Padayon pa karon ang gipahigayon nga imbestigasyon sa kapulisan aron nga masayran ang motibo sa krimen ingon man ang mga mipaluyo sa pagpatay sa biktima.
