DAVAO CITY – Human nga gi-aprubahan sa taas ug ubos balauranan sa kongreso ang balaudnon nga maglangan sa 2020 Barangay and Sangguniang Kabataan (SK) elections ug isibog 2022, pirma na lamang sumala pa ni Pangulong Rodrigo Duterte ang gihulat niini.
Una ng gilagdaan sa kongreso kaniadtong milabay nga semana ang pinal nga pagbasa sa House Bill 4933 nga adunay 194 affirmative votes.
Sumala pa kang Dumper PTDA Partylist representative Claudine Diana Bautista, nga positibo siya nga malagdaan sa Pangulo ang paglangan sa eleksiyon kini human nga usa kini sa iyang nahimong mga gisugyot sa iyang milabay nga State of the Nation Address sa milabay nga bulan sa Hulyo.
Sa higayon nga malagdaan, kini na matud pa ang ikatulong paglangay sa barangay ug SK polls ilalom sa Duterte administration. Nasayran nga ang uban nga principal authors sa House bill ang gilangkuban nila ni Deputy Speaker ug Davao City Representative Paolo Duterte, majority leader Martin Romualdez, ug Isabela Representative Inno Dy.
