Task Force Davao, nanawagan sa mga buot muhatag og hinabang sa mga biktima sa linog nga ipaagi na lamang kini sa ilang headquarters

DAVAO CITY – Nagpadayon karon ang panawagan sa Task Force Davao (TFD) ngadto sa mga buot modonar ug hinabang alang sa mga nabiktima sa kusog nga pagtay-og nga mas maayong modiretso na lamang kini sa ilang headquarters sa Sta. Ana Wharf ning siyudad.

Kahinumduman nga ubay-ubay na nga mga kompanya ang mihatag ug donasyon ingon man mga volunteers nga mitabang pag-repack sa ihatag nga mga relief goods ngadto sa mga biktima.

Sumala pa kang Col. Consolito Yecla, commander sa Task Force Davao (TFD), nga anaa na karon sa 13,000 ka mga food packs ang ilang na-repack ug andam na kini nga dad-on sa mga lugar nga apektado sa kalamidad.