Pagbisita ni Pangulong Duterte sa lubnganan sa iyang mga ginikanan, gipangandaman na

DAVAO CITY – Nangandam na sab karon ang kapulisan sa pagpatuman ug seguridad sa lubnganan sa mga ginikanan ni Pangulong Rodrigo Duterte ilabi na nga laoman ang pagduaw sa first family partikular na sa Roman Catholic Cemetery.

Kahinumduman nga naandan ni Pangulong Duterte ang pagduaw sa lubnganan sa iyang mga ginikanan nga sila si Soledad ug kanhi Gobernador nga si Vicente Duterte.

Kalakip sa mga naghulat sa pagbisita sa Pangulo ang mga residente nga nanimuyo sa maong dapit.

Ang mga lubong sab sa iyang mga ginikanan ang una niya nga giduaw dihang midaog siya sa pagka-Pangulo kaniadtong 2016.