-- ADVERTISEMENT --
DAVAO CITY – Nasikop sa mga operatiba sa Talaingod ug Kapalong municipal police station ang usa ka wanted person kini pinasikad sa gipagulang warrant of arrest.
Naila ang suspek nga si Dominador Dagandan alyas Jun-jun, 40 anyos, minyo, trisikad driver ug residente sa Side 2 Brgy. Sto. Niño Talaingod, Davao del Norte. Nasikop ang suspek sa Purok 1A Brgy. Maniki, Kapalong Davao del Norte.
Gisikop ang nahisgutan pinasikad sa gipagulang kamandoan ni Hon. Erasto Salcedo, Presiding Judge sa RTC 11th Judicial Region Branch 3 sa Tagum City, Davao del Norte.
Dakong tabang sumala pa ang pagkasikop sa suspek gumikan kay makunhuran na ang kaso sa robbery sa munisipalidad.
