Laoman nga mamahimong highlight sa ipahigayon nga State of the City Address (Soca) ni Mayor Inday Sara Duterte-Carpio karong adlawa ang kabahin sa education, health, poverty alleviation ingon man nagkadaiyang serbisyo, infrastructure development, solid waste management ug environment, agriculture, investments and tourism, transportation planning ug traffic management, disaster risk reduction ug peace and order.
Alas dos unyang hapon himuon sa Mayor ang iyang SOCA sa Sangguniang Panlungsod. Una ng gibutyag ni Konsehal Mary Joselle Villafuerte nga laoman sumala pa nga tutokan sa Mayor ang reproductive health ug education pinaagi sa iyang “PagbaBAGo Project”.
Gitataw sab ni Villafuerte nga excited siya sa mga plano sa Mayor ilabi na ang pagpatuman sa Mental Health Code sa siyudad kini pinaagi sa pagtukod sa Mental Wellness Center.
Kahinumduman nga mi-alokar ang Mayor alang sa pagtukod sa maong gambalay ug kantidad sa P24 million.
Samtang gidayeg sab ni Mindanao Development Authority (Minda) chairman Emmanuel Piñol ang Davao City Government gumikan sa maayong liderato ni Davao City Mayor Sara Duterte-Carpio nga maoy dalan nga daghanang turista ug investors nga mosulod sa dakbayan.
