DAVAO CITY – Misaka sumala pa ang ihap sa mga nadakpan gumikan sa pagsupak sa anti-smoking ordinance ingon man liquor ban.
Sumala sa Vices Regulation Unit (VRU), nga sukad Enero hangtud Agosto ning tuig kasamtangan, anaa na sa 9,300 ang mga nadakpan kung itandi sa Enero hangtud Disyembre 2018 nga anaa sa 9,000.
Sumala pa kang Dr. Ashley Lopez sa VRU misaka ang ihap gumikan kay mas daghanang personahe ang ilang gipakatag aron nga imonitor kadtong mga malapason sa nahisgutan nga ordinansa.
Nasayran sab sa opisyal nga kung kaniadto katulo sa usa ka semana sila nagapahigayon ug operasyon, sa kasamtangan adlaw-adlaw na nila kini nga ginapahigayon.
Gikanayong kaabag sa VRU sa ilang mas gipahugtan nga kampanya ang mga sakop sa Maritime police, tourist police ingon man kadtong mga kapulisan nga nagapahigayon ug foot patrol.
