Duruha ka semana human ang kick-off ceremony, hingpit na karon nga na-turn over ang duruha ka mga classroom school building sa Compostela Valley government sa Purok 3, Barangay Panansalan.
Ang nahisgutan nga tulonghaan adunay dirty kitchen ug teacher’s cottage.
Dugang niini, adunay gipahimutang usab nga vegetable garden o “Gulayan sa Paaralan” sulod mismo sa tulonghaan.
Karong adlawa, magamit na ang Jacinto Public Elementary School sa 39 ka mga estudyante diin adunay gipahimutang nga duruha ka mga magtutudlo sa nahisgutan nga dapit.
Gikanayong kini ang unang school site nga natapos gikan sa lima ka mga school building nga gipahimutang sa isolated ug disadvantaged areas ingon man nga lugar nga apektado sa areas sa Compostela Valley nga gisugdan pagtukod kaniadtong Setyembre 20, 2019.
Nasayran nga ang upat ka mga school sites ang nahimutang sa Side 4, Barangay Mangayon, Compostela; Purok 3, Barangay Pagsabangan sa New Bataan; Sitio Sapanglubog, Barangay Tibagon sa Pantukan; ug Sitio Danawan, Barangay Manurigao sa New Bataan.
