Mipahimangno na ang Commission on Election kun COMELEC 11 ngadto sa publiko alang sa nahaduol nga katapusang adlaw sa pagparehistro.
Sa Lunes, Septembre 30 na ang gitakdang katapusang adlaw nga magparegistro, magpareactivate, magtransfer o dunay mga ipausab sa ilang mga entry sa COMELEC.
Busa, gilauman na sa buhatan ang pagdagsa sa mga tao atol sa katapusang adlaw.
Sumala sa tigpamaba sa COMELEC 11 nga si Krisna Samantha Caballero, nga ilang ng gipagawas ang uban nilang mga empleyado arun nga mo cater sa mga magparegistro para dili na magdasok sa sulod sa buhatan gumikan sa pagdagsa tao.
Gibutyag sab sa COMELEC nga wala pa silay nadawat nga mando nga lugway sa voter registration busa gi-aghat nila ang publiko nga gilayon nga magparegistro ilabi na nga duna na silay gipahimutang nga mga satellite registration arun daghan og paspas ang maakumodar niini.
Kahinumduman nga nagsugod ang maong voter registration niadtong August 1 ning tuig kasamtangan.
