DAVAO CITY – Gipahimangnoan ang mga Barangay Kapitan ning dakbayan sa Davao nga suportahan ang City Health (Office) ug DOH (Department of Health) sa mga lakang nga alang sa kaluwasan sa panglawas sa ilang mga residente ilabi na nga magsilbi sumala pa ang mga nahisgutan isip mga frontliners.
Subli sab nga gitambagan ang mga inahan nga pabakunahan ang ilang mga anak sa health center kini human nga nagpositibo sa Polio virus ang Davao river.
Una ng gibutyag ni City Health Office (CHO) head Josephine Villafuerte nga magpahigayon ang Department of Health ug lokal nga panggamhanan ug immunization drive batok polio sa mosunod nga bulan.
Sa kasamtangan, nagpadayon sumala pa ang gipahigayon nga surveillance sa Cho ngadto sa nagkadaiyang Barangay nga daplin sa kasapaan apan wala sumala pa silay na-detect nga polio virus sa kasamtangan.
Subli sab nga nanawagan ang opisyal ngadto sa mga ginikanan nga dili paligoon ang ilang mga anak sa mga kasapaan ug dagat isip pamaagi aron nga dili makaangkon sa nahisgutan nga balatian.
