DAVAO CITY – Usa ka grupo ang nanawagan sa mga konsumante batok sa gikanayong kontrabando o counterfeit cosmetics nga taas ang level sa mercury ug lead nga padayong ginabaligya karon sa pipila ka mga store sa dakbayan.
Una ng gibutyag sa EcoWaste Coalition nga nakapalit sila ug dosena nga mga skin whitening creams ug lipsticks gikan sa mga nagkadaiyang retailers sa downtown sa milabay nga semana ug kantidad lamang sa P20 ngadto na sa P120 matag usa.
Human ang gipahigayon nga screening sa produkto gamit ang portable X-Ray Fluorescence (XRF) analytical device, nasayran sa grupo nga ang nahisgutan nga items adunay unod nga mercury ug lead nga sobra sa regulatory limits sa 1 ug 20 parts per million (ppm).
Samtang sa 20 ka mga whitening products, 13 niini ang adunay taas nga mercury diin sobra kini sa 1 ppm limit.
Samtang ang mga brand sama sa Erna, Jiaoli ug S’Zitang creams nga adunay mercury nga miabot sa 1,187 ngadto na sa 2,330 ppm.
Nasayran sa Ecowaste nga ang nahisgutan nga produkto ang dugay na nga gi-ban sa Food and Drug Administration (FDA) gumikan sa taas nga mercury content.
