DAVAO CITY – Nanawagan si Police Brig. General Marcelo Morales, Regional director sa Police Regional Office (PRO) 11 sa mga peneriso nga nakagawas sa bilanggoan tungod sa Good Conduct Time Allowance kun (GCTA) law nga mas maayong malinawon nga motahan sa kapulisan.
Tipik lamang kini human nga hapit na nga matapos ang 15 ka adlaw nga lugway nga gihatag ni Pangulong Rodrigo Duterte batok sa mga nahisgutan.
Una ng nasayran kang Morales nga sa 77 ka mga peneriso nga nakagawas, 2 pa lamang niini ang boluntaryo nga mitahan sa kapulisan.
Gitambagan ni Morales ang uban pa nga mga peneriso nga wala kini angayan nga kabalak-an basta kay malinawon kini nga motahan ug dili mopakita ug pagsukol.
Padayon sab sumala pa nga nakiglambigit karon ang Police Regional Office (PRO) 11 ngadto sa Bureau of Corrections (BuCor) alang sa pag-ila sa mga peneriso nga nag-atubang ug bug-at nga kaso apan nakagawas tungod sa GCTA.
Subling nanawagan ang opisyal nga dili na hulaton pa sa mga peneriso ang gihatag nga deadline ug moadto na lamang sa pinakaduol nga police station sa ilang lugar.
