DAVAO CITY – Gibutyag sa Police Regional Office (PRO) 11 nga andam na ang ilang tracking team aron nga pangitaon kadtong gipagawas nga mga nakonbikto kini subay sa 15 ka adlaw nga gihatagan ni Pangulong Rodrigo Duterte nga motahan ang mga nahisgutan.
Una ng gi-awhag ni Police regional director Brig. Gen. Marcelo Morales ang mga nakagawas nga konbiktado nga nagpabilin karon sa Davao region nga motahan ug malinawon nga itahan ang ilang kaugalingon sa otoridad.
Gipasalig sa opisyal nga nagpadayon karon ang ilang manhunt hangtud nga matapos nga ang gikatakda nga adlaw sa Pangulo.
Wala na sab mihatag ug dugang detalye ang PRO kalabot sa ihap ingon man detalye sa mga convicts nga gipagawas sa Davao Prison and Penal Farm (Dapecol) nga gikanayong nakapahimulos sa Good Conduct Time Allowance (GCTA) law.
Walay impormasyon usab kung si kinsa nga mga peneriso sa siyudad ang gipagawas ingon man sa uban nga pasilidad nga ilalom sa Bureau of Corrections (BuCor).
