DAVAO CITY – Hayan nga mapatuman na ang sugyot nga mandatory retirement age sa barangay health workers human nga napalabang na sa ikaduhang pagbasa sa konseho ning siyudad ang pag-amyenda sa ordinansa.
Kahinumduman nga gikan sa 60 anyos nga mandatory retirement age, himuon na kining 65 anyos.
Sumala pa kang konsehal Mary Joselle Villafuerte, chair sa committee on health, nga sa milabay nga Hunyo ning kasamtangan nag tuig, napalabang nila ang lain nga resolusyon sa susama nga sugyot apan ulahi na nila nasayran nga adunay existing ordinance niini.
Gihimo nila ang pag-amyenda niini sa naunang ordinansa nga napalabang kaniadtong September 2015 nga giduso ni Konsehal Bernard Al-ag.
Gitino ni Villafuerte nga kinahanglan nila ug pag-amyenda sa ordinansa aron nga mahaom ang mga gidugang nga sugyot sa nahisgutan nga balaudnon.
